Disgrifiad
Tryledwr Ystafell Bersawrus Llenwch eich cartref gyda phersawr braf a godidog, a fydd yn para am gryn dipyn o amser, gyda Thryledwyr Ystafell Bersawrus Gweni. Gan gynnwys 10 cl o hylif persawrus, a fydd yn trawsffurfio’r cartref mewn i ofod unigryw, dymunol, mae’r tryledwyr yma ar gael yn eich hoff bersawrau, ac mewn dewis o gyrs ffibr. Dewiswch o’r opsiynau isod.
Persawrau Fflurol.
- Eirin Du a Rhosyn: dyma eirin, jasmin, ffrwythau, patshwli a rhosod yn gweithio gyda’i gilydd i greu arogl ysgafn, soffistigedig.
- Fflur: bydd y persawr rhyfeddol hwn yn eich atgoffa o gerdded trwy ardd sydd dan ei sang o flodau’r haf, rhosod, pys pêr, a jasmin.
- Hiraeth: am air sy’n golygu sut gymaint. Hiraethu am berson, am le, am amser…. Dyma bersawr sy’n hiraethlon, gyda’i chyfuniad o fioled, rhosod, mynawyd y bugail ac ambr.
- Peian: persawr hudolus, soffistigedig sy’n cyfuno rhosod, peian, lilis ac ambr.
Ffres.
- Croesi’r Traeth: adfywiol iawn, a chlasur, gyda naws arfordirol. Cewch siclamen, lili’r dŵr, ambr a mwsg.
- Diwrnod Golchi Dillad: persawr ‘glân’ iawn, sy’n creu naws ffres, bywiogus. Mae’n cynnwys elfennau o fwsg gwyn, iwcaliptws, oren, jasmin a mimosa.
- Diwrnod Spa: persawr bydd yn eich atgoffa o spa foethus, gyda’i ‘hoglau ffres o ffrwythau sitrws, patsiwli, pren gwyn a fanila. Un o’n gwerthwyr gorau
- Llonyddwch: tebyg iawn i ‘Diwrnod Spa’ ond yn fwy melys. Mae’n cynnwys leim, basil a mandarin. Hyfryd.
- Nos Da: dyma chyfuniad o iwcaliptws, lafant, a mynawyd y bugail, sy’n arwain at naws tawel, ymlaciol. Perffaith mewn ystafell wely.
Ffrwythus.
- Ffigysen Felfed: persawr soffistigedig, a chymhleth gydag elfennau o gwrens duon, ffrwythau’r haf, mafon, ffigysen a mwsg.
- Gwawrio: arogl bywiog ac adfywiol sy’n cyfuno grawnffrwyth, oren, jasmin a mwsg. Mae’n arogl ysgogol, sy’n berffaith i’r rhai sy’n chwilio am arogleuon egnïol. Mae gennym ni yn yr ystafell ymolchi— ac mae’n arogl gwych i ddeffro iddo!
- Mifi Mafon: persawr felys, ffrwythus, sy’n cynnwys elfennau o naws mafon a fanila. Mae’n hel atgofion o lolipops ffrwythus!
- Riwbob: persawr cyfoes a chyfoethog, gyda naws mwyar duon yn gweithio gyda riwbob i greu arogl hyfryd tu hwnt!
Hydrefol/Cysurlon
- Ambr: fel ‘wedodd cwsmer, ‘Gwmws fel y persawr mewn siop bosh!’ Mae’n soffistigedig a chymhleth.
- Cwtsh: os ydych eisiau creu naws cysurlon yn eich cartref, yna dyma Cwtsh. Persawr sy’n eich gorchuddio gyda’i elfennau o garamel, taffi, coffi, siocled poeth, fanila, siwgr, ambr a mwsg. Hyfryd!
- Hwyrnos: tebyg iawn i ‘Ambr’ ond yn felysach, gyda chedrwydden yn uno â jasmin i greu naws sy’n glasur, ac yn boblogaidd iawn mewn tryledwr.
- Noson Olau Leuad: rwy o hyd yn cael fy atgoffa o ‘Mwsg Gwyn’ o’r stryd fawr pan rwy’n profi’r persawr hwn. Mae’n dyner a thawel ac yn creu naws heddychlon iawn.
- Stafell Ddarllen: persawr gwbl unigryw yw hon, gyda chyfuniad o faco, a derw i greu arogl sydd fel mwg melys. mae’n boblogaidd tu hwnt!
Mae yna ddewis, hefyd, o gyrs ffibr, lliw naturiol neu du, hir neu fyr. Os mae gwell gennych y cyrs hir, yna byddwch yn derbyn 8 darn. Os mae gwell gennych y cyrs byr, yna 5 cors y byddwch yn derbyn. Defnyddiwch y rhain i gyd, ar unwaith, oni bai eich bod eisiau arogl mwy cain neu wannach. Darllenwch ymlaen os hoffwch wybodaeth am gael y gorau o’ch tryledwr. Para’n Hir. Fe fydd pob tryledwr yn para tua 6 mis, a mwy. Sicrhewch eich bod yn:
- siglo’r botel yn ofalus cyn ei hagor
- rhoi’r cyrs ffibr i mewn (defnyddiwch bob un)
- gosodwch mewn lle i ffwrdd o wresogydd, a golau haul cryf
- trowch y cyrs gôr i waered pob tair wythnos
- rhowch a’r goster i sicrhau na fydd unrhyw hylif yn sarnu ar eich celfi
Gwnaed â llaw yn ne Cymru, mae pob tryledwr yn cael ei greu mewn niferoedd bychan i sicrhau ansawdd.
